Բրազիլիայի հավաքականի նախկին հարձակվող Ռոնալդոն իր կարծիքն է ներկայացրել ֆուտբոլային աշխարհի ժամանակակից աստղեր Լիոնել Մեսիի և Կրիշտիանու Ռոնալդուի մասին։

«Մեսին արտասովոր, հզոր և տեխնիկապես ուժեղ խաղացող է: Նա ցանկանում է գոլ խփել յուրաքանչյուր խաղում։ Նեյմարը ևս թոփ խաղացող է։ Հուսով եմ, նա կկարողանա ինչ-որ բան նվաճել Բրազիլիայի հավաքականի հետ, բայց հայրենիքում նրան շատ են քննադատում անձնական կյանքի պատճառով։

Այդուհանդերձ, խաղացողների՝ Մեսիի ու Ռոնալդուի սերունդը մեզնից լավն է խաղադաշտից դուրս։ Նրանք լավ սնվում են և շատ քնում։ Մենք ամեն ինչ հակառակն էինք անում, էլ չեմ խոսում մեր ունեցած բազում կանանց մասին»,- Football Italia-ի փոխանցմամբ՝ ասել է Ռոնալդոն Bobo TV-ի եթերում։