Անգլիական «Մանչեսթեր Յունայթեդի» պորտուգալացի հարձակվող Կրիշտիանու Ռոնալդուն գրառում է կատարել սոցցանցերում՝ մեկնաբանելով Պրեմիեր լիգայի 10-րդ տուրում «Էվերթոնի» նկատմամբ արտագնա հաղթանակը (2-1):
«Հիանալի արդյունք, տղաներ: Եվս մեկ քայլ ճիշտ ուղղությամբ»,- գրել է 37-ամյա ֆուտբոլիստը:
«Ոսկե գնդակի» հնգակի հաղթողն այդ խաղում խփել էր իր թիմի համար հաղթական և ակումբային կարիերայի 700-րդ գոլը: Ռոնալդուն 20-րդ մրցաշրջանն անընդմեջ գոլի հեղինակ է դարձել ազգային առաջնություններում:
Ընթացիկ մրցաշրջանում Պորտուգալիայի հավաքականի ավագն անգլիական գրանդի կազմում բոլոր մրցաշարերում անցկացրած 10 խաղում խփել է 2 գոլ և կատարել 1 ասիստ:
Հիշեցնենք, որ «Մանչեսթեր Յունայթեդն» անցկացրած 8 խաղերից հետո 15 միավորով 5-րդն է ԱՊԼ-ում:
