«Ոսկե գնդակի» 5-ակի հաղթող, պորտուգալացի հարձակվող Կրիշտիանու Ռոնալդուն հեռացվել է անգլիական «Մանչեսթեր Յունայթեդի» գլխավոր թիմից:
«Ռոնալդուն եկել է «Մանչեսթեր Յունայթեդի» մարզմանը: Նա աշխատում է երիտասարդական թիմի հետ»,- սոցցանցերում գրել է լրագրող Սամուել Լակհյորստը:
Ավելի վաղ Ռոնալդուն դուրս էր մնացել «Մանչեսթեր Յունայթեդի» հայտացուցակից Լոնդոնի «Չելսիի» դեմ Պրեմիեր լիգայի 13-րդ տուրի խաղի համար:
Հիշեցնենք, որ 37-ամյա գոլահարը խաղաժամակ չէր ստացել Լոնդոնի «Տոտենհեմի» դեմ Պրեմիեր լիգայի 12-րդ տուրի տնային խաղում (2-0), իսկ 90-րդ րոպեին հեռացել էր պահեստայինների նստարանից՝ չսպասելով խաղի ավարտին:
