Անգլիական «Ասթոն Վիլայի» հարձակվող Մարկուս Ռեշֆորդը դեռևս հետաքրքրված է կատալոնական «Բարսելոնա» տեղափոխությամբ, հայտնում է GiveMeSport-ը:
27-ամյա ֆուտբոլիստը բիրմինգհեմցիների կազմում հանդես է գալիս վարձավճարով:
Ռեշֆորդի ամբողջական տրանսֆերը գնելու համար «Վիլան» պետք է վճարի 40 միլիոն ֆունտ, սակայն խաղացողի աշխատավարձը կազմում է շաբաթական 350 հազար ֆունտ սթերլինգ:
Նման գումար վճարելու համար Բիրմինգհեմը ներկայացնող ակումբը մրցաշրջանի ավարտից հետո պետք է գնահատի իր ֆինանսական վիճակը:
Մարկուսը չի ցանկանում վերադառնալ «Մանչեսթեր Յունայթեդ», քանի որ չի մտնում գլխավոր մարզիչ Ռուբեն Ամորիմի ծրագրերի մեջ:
Նա գործակալներին տեղեկացրել է, որ բաց է կատալոնացիների հետ բանակցությունների համար:
Հունվարի 21-ին անգլիացի ֆուտբոլիստի ներկայացուցիչները Պորտուգալիայի մայրաքաղաք Լիսաբոնում հանդիպել էին «Բլաուգրանայի» սպորտային տնօրեն Դեկուի հետ։
Այդ ժամանակ «Բարսելոնան» պատրաստ էր ձեռք բերել Ռեշֆորդին, սակայն դրա համար պետք է ազատվեր Էրիկ Գարսիայից ու Անսու Ֆաթիից:
