Կառլո Անչելոտին այս ամռանը կհեռանա «Ռեալից», մադրիդյան ակումբը ցանկանում է նրան հրաժեշտ տալ լիակատար հարգանքով, հաղորդում է Relevo-ն:
Իտալացուն կվճարվի նրա պայմանագրով սահմանված ամբողջ աշխատավարձը, և նա կստանա ակումբի ցմահ դեսպանի դեր մարզչական կարիերան ավարտելուց հետո։
«Ռեալը» հստակեցրել է, որ չի խանգարի 65-ամյա մասնագետի` Բրազիլիայի հավաքականը գլխավորելուն։ Ֆլորենտինո Պերեսը ցանկանում է, որ մարզիչը հեռանա լիակատար հարգանքով և աշխատանքի գնահատմամբ։ Ակումբը ձգտում է ապահովել, որ Անչելոտիի հեռանալը պատշաճ կերպով կարգավորվի թե՛ ֆինանսական, թե՛ ակումբին թողած նրա ժառանգության առումով։
Անչելոտիի գործող պայմանագիրը նախատեսված է մինչև 2025/2026 մրցաշրջանի ավարտը է՝ 11 միլիոն եվրո աշխատավարձով։
«Ռեալ Սոսյեդադի» դեմ մրցաշրջանի վերջին խաղի համար նախատեսված արարողություն կկազմակերպվի, որտեղ Անչելոտին կպարգևատրվի։ Ակումբը մտադիր է ցուցադրել նրա բոլոր տիտղոսները, և դա կլինի նրա` իսպանական ակումբում անցկացրած երկու հաջող ժամանակահատվածների տոնակատարությունը։
Նույնիսկ Բրազիլիայի հավաքականին միանալուց հետո Անչելոտին կմնա սերտ կապի մեջ «Ռեալի» հետ։ Ակումբը նրա հետ կշարունակի համակարգել Միլիտաոյի, Վինիսիուսի, Ռոդրիգոյի և Էնդրիկի վերաբերյալ հարցերը: Այդ ֆուտբոլիստները նրա գլխավորությամբ կլինեն Բրազիլիայի հավաքականի կազմում։
Ամենայն հավանականությամբ, «Արքայական ակումբի» գլխավոր մարզչի պաշտոնում Անչելոտիին կփոխարինի Լևերկուզենի «Բայերը» մարզող Չաբի Ալոնսոն:
