Ֆորմուլա-1-ում հանդես եկող ավստրիական «Ռեդ Բուլի» խորհրդական Հելմուտ Մարկոն խոստովանել է, որ թիմն այս մրցաշրջանում չի կարող նվաճել կոնստրուկտորների գավաթը:
«Ամեն ինչ ավարտված է: «Ֆերարին» անհասանելի է, կարող է նույնիսկ հասնել «Մաքլարենին»»,- Մարկոյի խոսքը մեջբերում է Ֆորմուլա-1-ի մամուլի ծառայությունը:
Հիշեցնենք, որ «Ռեդ Բուլն» իտալական «Ֆերարիին» զիջում է 25 միավոր, 54 միավոր էլ բրիտանական «Մաքլարենին»:
