Մադրիդի «Ռեալը» ծրագրում է հարձակվող Մարտին Էդեգորին շանս տալ հիմնական կազմում հաջորդ մրցաշրջանում, տեղեկացնում է AS-ը։
Ըստ աղբյուրի՝ «Արքայական ակումբի» գլխավոր մարզիչ Զինեդին Զիդանը լուրջ հույս է կապում 21-ամյա նորվեգացի ֆուտբոլիստի հետ։
Ավելի վաղ տեղեկություններ էր տարածվել, որ Էդեգորը կհամաձայնի վերադառնալ «Ռեալ Սոսյեդադից», որտեղ նա հանդես է գալիս վարձավճարով, եթե նա ստանա երաշխավորում խաղային պրակտիկայի վերաբերյալ։
Հարձակվողը «Ռեալի» կազմը համալրել է 2015-ին՝ 16 տարեկան հասակում, սակայն ընդամենը 2 հանդիպում է անցկացրել առաջին թիմի կազմում՝ հիմնականում ելույթ ունենալով «Կաստիլյայում» կամ վարձավճարով այլ ակումբներում։ Այս մրցաշրջանում «Սոսյեդադի» հետ նա անցկացրել է 28 հանդիպում՝ դառնալով 7 գոլի ու 8 գոլային փոխանցման հեղինակ։
