France Football-ի վարկածով Մադրիդի «Ռեալը» ճանաչվեց տղամարդկանց ֆուտբոլի տարվա լավագույն ակումբ:
«Արքայական ակումբը» նախորդ մրցաշրջանում նվաճել է Իսպանիայի Լա լիգայի տիտղոսը, Սուպերգավաթը և Չեմպիոնների լիգայի գավաթը:
«Ռեալի» պատվիրակությունը բոյկոտել է և չի մասնակցում Փարիզի Շատլե թատրոնում ընթացող մրցանակաբաշխությանը:
Կատալոնական «Բարսելոնան» էլ լավագույնի մրցանակը ստացավ կանանց ֆուտբոլում: Կատալոնական ակումբի կանանց թիմը նախորդ մրցաշրջանում հաղթել էր Իսպանիայի առաջնությունում և Չեմպիոնների լիգայում:
