Մադրիդի «Ռեալը» Լոնդոնի «Ուեմբլի» ստադիոնում կայացած եզրափակիչում Դորտմունդի «Բորուսիային» 2-0 հաշվով հաղթելուց հետո ստացավ Չեմպիոնների լիգայի գավաթը: «Արքայական ակումբը» 15-րդ անգամ հաղթեց եվրոպական ակումբային ամենահեղինակավոր մրցաշարում:
«Ռեալի» աավագ Նաչոյին գավաթը հանձնեց մադրիդյան գրանդի նախկին գլխավոր մարզիչ Զինեդին Զիդանը: «Ռեալը» ֆրանսիացի մասնագետի գլխավորությամբ այս մրցաշարում երեք անգամ անընդմեջ հաղթել էր:
Նաչոն «Ռեալի» հետ 6-րդ անգամ հաղթեց Չեմպիոնների լիգայում, առաջին անգամ՝ ավագի կարգավիճակում: 6-ական անգամ գլխավոր եվրագավաթում հաղթեցին նաև իսպանացի պաշտպան Դանի Կարվախալը, կիսապաշտպաններ, խորվաթ Լուկա Մոդրիչը և այս խաղով ակումբային կարիերան ավարտած գերմանացի Տոնի Կրոսը, որը մեկ անգամ այդ նվաճմանը հասել է Մյունխենի «Բավարիայի» հետ:
