Մյունխենի «Բավարիայի» պաշտպան Ալֆոնսո Դևիսն, ամենայն հավանականությամբ, 2024 թ. ամռանը չի տեղափոխվի Մադրիդի «Ռեալ»։

Bild-ը գրում է, որ «Արքայական ակումբը» պատրաստ չէ կանադացի ֆուտբոլիստի տրանսֆերի համար «Բավարիային» վճարել պահանջվող 50 միլիոն եվրո գումարը։

Իսպանական գրանդը մտադիր է մեկ տարի սպասել և 2025 թվականին ազատ գործակալի կարգավիճակում պայմանագիր կնքել 23-ամյա Դևիսի հետ։

Ավելի վաղ ինսայդեր Ֆաբրիցիո Ռոմանոն հայտնել է, որ «Ռեալն» ու Դևիսն անձնական պայմանագրի հարցում սկզբունքային համաձայնություն ունեն։ Պաշտպանը «Ռեալ» տեղափոխվելու դեպքում համաձայնագիրը կնքելու է մինչև 2029 թ. հունիսի 30-ը։

Ալֆոնսո Դևիսն ավարտված մրցաշրջանում 42 խաղում խփել է 3 գոլ, կատարել 6 արդյունավետ փոխանցում։