Միջմայրցամաքային գավաթի խաղարկության եզրափակիչը տեղի կունենա Կատարի մայրաքաղաք Դոհայում, հայտնում է Ֆուտբոլի միջազգային ֆեդերացիան (ՖԻՖԱ):
Նորաստեղծ ակումբային մրցաշարի եզրափակիչը տեղի կունենա դեկտեմբերի 18-ին: Եզրափակիչի առաջն մասնակիցն ՈւԵՖԱ-ի Չեմպիոնների լիգայի գավաթակիր Մադրիդի «Ռեալն» է, մյուս ուղեգիրը կվիճարկվի փլեյ-օֆֆի խաղերի միջոցով:
Փլեյ-օֆֆ փուլը կսկսվի սեպտեմբերի 22-ին` «Ալ Աին» (ԱՄԷ) – «Օքլենդ Սիթի» (Նոր Զելանդիա) խաղով, որը կկայանա ԱՄԷ-ում։ Հոկտեմբերի 29-ին այս զույգի հաղթողը արտագնա խաղում կմրցի Աֆրիկայի Չեմպիոնների լիգայի հաղթող, եգիպտական «Ալ Ահլիի» դեմ:
Այս ցանցի հաղթողը դեկտեմբերի 14-ին Դոհայում եզրափակիչի երկրորդ ուղեգիրը կվիճարկի մեքսիկական «Պաչուկայի» և Լիբերտադորեսի գավաթակրի դիմակայության հետ:
