«Ռեալը» հետաքրքրված է «Բորնմութի» պաշտպան Դին Հյոյսենի ծառայություններով, գրում է Marca-ն:
«Արքայական ակումբն» ակտիվորեն նոր կենտրոնական պաշտպան է փնտրում ու դիտարկում է նաև այլ տարբերակներ՝ Իբրահիմա Կոնատե, Վիլյամ Սալիբա, Կաստելյո Լուկեբա, բայց ամենամեծ հետաքրքրությունն առաջացնում է Հյոյսենը, որը դարձել է Անդոնի Իրաոլայի գլխավորած թիմի մեկնարկային կազմի ֆուտբոլիստ, Անգլիայի Պրեմիեր լիգայի գլխավոր բացահայտումներից է և հայտնվել է Իսպանիայի հավաքականի՝ Ազգերի լիգայի փլեյ-օֆֆ փուլի հայտացուցակում:
Transfermarkt-ը Հյոյսենի արժեքը գնահատում է 40 միլիոն եվրո, բայց «Բորնմութն» անհամեմատ ավելի մեծ թիվ կպահանջի տաղանդավոր պաշտպանի համար:
