Մադրիդի «Ռեալը» լրջորեն հետաքրքրված է Մյունխենի «Բավարիայի» սան Լենարտ Կարլի ծառայություններով, հայտնում է Football Espana-ն:
16-ամյա տաղանդն «Արքայական ակումբի» ուշադրության կենտրոնում է հայտնվել «Բավարիայի» Մ17 տարեկանների թիմում ցուցադրած խաղի շնորհիվ:
Իսպանական գրանդը փորձում է հնարավորինս շուտ ավարտին հասցնել գործարքը, որպեսզի մրցակիցները չկարողանան գայթակղել պատանուն:
Գերմանական ակումբը չի շտապում: «Բավարիան» ցանկանում է ֆուտբոլիստին նախ տեղափոխել Մ19 տարեկանների թիմ, իսկ հետո հետևություններ անել նրա ապագայի վերաբերյալ:
Հիշեցնենք, որ Լենարտ Կարլն ընթացիկ մրցաշրջանում «Բավարիայի» Մ17 տարեկանների թիմում անցկացրել է 12 հանդիպում և դարձել է 21 գոլի հեղինակ:
