Իսպանիայի առաջնության 25-րդ տուրում Մադրիդի «Ռեալը» սեփական խաղադաշտում 3-1 հաշվով առավելության հասավ կատալոնական «Էսպանյոլի» նկատմամբ:

Հյուրերի իսպանացի հարձակվող Խոսելուի գոլին պատասխանեցին բրազիլացի հարձակվող Վինիսիուս Ժունիորը, բրազիլացի պաշտպան Էդեր Միլիտաոն և իսպանացի կիսապաշտպան Մարկո Ասենսիոն:

«Ռեալը» 56 միավորով երկրորդ տեղում է և 6 միավոր է զիջում մեկ խաղ պակաս անցկացրած կատալոնական «Բարսելոնային»: «Էսպանյոլը» 27 միավորով 13-րդն է:

Իսպանիայի առաջնություն, 25-րդ տուր

«Ռեալ Մադրիդ» - «Էսպանյոլ»՝ 3-1 (տեսանյութ)

Վինիսիուս Ժունիոր, 22, Էդեր Միլիտաո, 39, Մարկո Ասենսիո, 90+3 - Խոսելու, 8