Մադրիդի «Ռեալը» նախամրցաշրջանային հատվածի առաջին ընկերական խաղում 3-2 հաշվով կամային հաղթանակ է տարել իտալական «Միլանի» նկատմամբ:

ԱՄՆ-ում կայացած խաղում Իսպանիայի փոխչեմպիոնի կազմում դուբլի հեղինակ է դարձել ուրուգվայցի կիսապաշտպան Ֆեդերիկո Վալվերդեն, մեկ գոլ էլ խփել է բրազիլացի եզրային հարձակվող Վինիսիուսը:

«Արքայական ակումբի» կազմում նորամուտն են նշել անգլիացի կիսապաշտպան Ջուդ Բելինգեմը և իսպանացի հարձակվող Խոսելուն:

Ընկերական հանդիպում

«Ռեալ» (Իսպանիա) - «Միլան» (Իտալիա)՝ 3-2

Ֆեդերիկո Վալվերդե, 57, 59, Վինիսիուս, 84 - Ֆիկայո Տոմորի, 25, Լուկա Ռոմերո, 42