Մադրիդի «Ռեալը» երկարաձգել է պայմանագիրն ուկրաինացի դարպասապահ Անդրեյ Լունինի հետ, հայտնում է ակումբի մամուլի ծառայությունը:

Նոր պայմանագիրը նախատեսված է մինչև 2030 թվականի հունիսի 30-ը:

Հիշեցնենք, որ Անդրեյ Լունինը 2023/24 մրցաշրջանում 31 խաղում 12 անգամ դարպասը պահել է անառիկ։ Նա հեղինակավոր France Football պարբերականի կողմից ընդգրկվել է տարվա լավագույն դարպասապահի` Լև Յաշինի անվան հավակնորդների ցանկում։