Մադրիդի «Ռեալը» երկարաձգել է պայմանագիրը բրազիլացի պաշտպան Էդեր Միլիտաոյի հետ, հաղորդում է ակումբի մամուլի ծառայությունը։

26-ամյա ֆուտբոլիստի նոր պայմանագիրը նախատեսված է մինչեւ 2028թ․ հունիսի 30-ը։

Էդեր Միլիտաոն 2019 թվականից է հանդես գալիս «Ռեալում», որի կազմում անցկացրած 143 խաղում դարձել է 11 գոլի ու 5 գոլային փոխանցման հեղինակ։ Մադրիդյան ակումբի հետ բրազիլացին նվաճել է 9 տիտղոս։