Մադրիդի «Ռեալը» ձեռք է բերել «Լեգանեսի» պաշտպան Լամինի Ֆաթիին, հաստատում է «Լեգանեսի» պաշտոնական կայքը։

«Արքայական ակումբը» 18-ամյա ֆուտբոլիստի տեղափոխության համար վճարել է 100 հազար եվրո։ Նա հանդես է գալու մադրիդյան գրանդի երիտասարդական թիմերից մեկում` «Կաստիլյայում» կամ «Ռեալ C»-ում։

Լամինի Ֆաթին «Լեգանեսի» սան է։ Պատանի պաշտպանը նախորդ մրցաշրջանում հանդես է եկել ակումբի Մ19 թիմում և հասել է Իսպանիայի երիտասարդական գավաթի խաղարկության քառորդ եզրափակիչ։