Մադրիդի «Ռեալում» կողմնորոշվել են հիմնական դարպասապահի հարցում։
Relevo-ի փոխանցմամբ՝ ակումբի ղեկավարության շրջանում կա տեսակետ, որ ուկրաինացի Անդրեյ Լունինն ավելի լավ մրցաշրջան է անցկացնում, քան իսպանացի Կեպա Արիսաբալագան։ Նույն տեսակետն է կիսում նաև թիմի գլխավոր մարզիչ Կառլո Անչելոտին։
Ենթադրվում է, որ մրցաշրջանի մնացյալ հատվածում «Արքայական ակումբի» դարպասը պաշտպանելու է հենց Անդրեյ Լունինը, այլ ոչ թե Կեպա Արիսաբալագան։
«Ռեալի» հիմնական դարպասապահ Տիբո Կուրտուան շարունակում է ապաքինվել ծնկի խաչաձև կապանների վնասվածքից, որը ստացել էր նախորդ տարվա ամռանը։
