Իսպանիայի Լա լիգայի 9-րդ տուրում Մադրիդի «Ռեալն» ընդունեց «Վիլյառեալին» ու առավելության հասավ 2-0 հաշվով։
«Արքայական ակումբի» գոլերը խփեցին ուրուգվայցի կիսապաշտպան Ֆեդերիկո Վալվերդեն ու բրազիլացի հարձակվող Վինիսիուս Ժունիորը։
Այս հաղթանակից հետո Կառլո Անչելոտիի գլխավորած թիմը վաստակեց 21 միավոր ու հավասարվեց առաջատար կատալոնական «Բարսելոնային», որը դեռ չի անցկացրել այս տուրի հանդիպումը։ «Վիլյառեալը» 17 միավորով մնաց երրորդ տեղում։
Իսպանիայի Լա լիգա, 9-րդ տուր
«Ռեալ» - «Վիլյառեալ»` 2-0
Ֆեդերիկո Վալվերդե, 14, Վինիսիուս Ժունիոր, 73
