Ամստերդամի «Այաքսի» 24-ամյա պաշտպան Նուսաիր Մազրաուին, որը 2022 թվականի ամռանը կարող է ազատ գործակալի կարգավիճակ ստանալ, հայտնվել է եվրոպական մի քանի հեղինակավոր ակումբների դիտակետում:
Իսպանական Sport-ի հաղորդմամբ՝ աջեզրային պաշտպանի խաղին հետևելու համար «Բարսելոնան» ուղարկել է իր սկաուտներին: Ֆուտբոլիստի ծառայություններով հետաքրքրված է նաև Մադրիդի «Ռեալը»:
Ավելի վաղ Eurosport-ը հայտնել է, որ ֆուտբոլիստի ծառայություններով հետաքրքրված են նաև «Մանչեսթեր Սիթին», «Արսենալը», «Լիդսն» ու «Բրայթոնը»:
Ընթացիկ մրցաշրջանում ֆուտբոլիստն «Այաքսի» կազմում մասնակցել է 16 խաղի՝ դառնալով 4 գոլի և 3 արդյունավետ փոխանցման հեղինակ:
