Մադրիդի «Ռեալը» նոր ֆուտբոլիստներ չի ունենա ձմեռային տրանսֆերային պատուհանի ընթացքում։
AS-ի համաձայն՝ Չեմպիոնների լիգայի գավաթակիրը կողմնորոշվել է հաջորդ տրանսֆերային պատուհանին անելիքների հարցում։ Ամռանը «Ռեալը» կփորձի թարմացնել աջ պաշտպանի դիրքն ու կիսապաշտպանության կենտրոնը։
Մադրիդցիների տրանսֆերային ցուցակում են անգլիական «Լիվերպուլի» անգլիացի պաշտպան Տրենտ Ալեքսանդր-Առնոլդն ու իսպանական «Ռեալ Սոսյեդադի» կիսապաշտպան Մարտին Սուբիմենդին։ Իսպանացուն այլընտրանքային տարբերակ է համարվում ֆրանսիական ՊՍԺ-ի կիսապաշտպան Վիտինիան։