Մադրիդի «Ռեալի» նախկին գլխավոր մարզիչ Վանդերլեյ Լուշեմբուրգուն քննադատել է «Արքայական ակումբի» բրազիլացի հարձակվող Վինիսիուս Ժունիորին:
«Վինիսիուսն ինքն է հրահրում իր վրա հարձակումները, նա իրեն վատ է պահում: Մրցակիցը բարեհամբյուր կերպով գնդակը վերադարձնում է նրան, իսկ նա վերցնում և նետում է հատակին: Մրցակիցը կրկին բարձրացնում է գնդակը, իսկ Վինիսիուսը կրկին նետում է հատակին ու սկսում ծիծաղել նրա վրա: Նա սադրում է մրցակցին:
Ֆուտբոլային դաշտում նորմալ է, որ կարող ես հարված ստանալ: Երբ Վինիսիուսին հարվածում են, նա ոտքի է կանգնում և հարձակվում մրցակցի վրա, կարծես խաղադաշտում հարվածելը նորույթ է: Նա զայրանում է խախտումների վրա, կարծես նրան հարվածում են, որովհետև նա սևամուրթ է:
Պատկերացնում եք՝ որքան են խաղադաշտում հարվածել Պելեին: Ստադիոնը ոչ եկեղեցի է, ոչ էլ թատրոն»,- Benja Me Mucho փոդքասթում ասել է բրազիլացի մարզիչը:
