«Ռեալի» նախկին ֆուտբոլիստ Ռաուլ Գոնսալեսը կարող է գլխավորել Լևերկուզենի «Բայերը», հայտնում է Marca-ն:
Գերմանական ակումբը սեպտեմբերի 1-ին հեռացրեց գլխավոր մարզիչ Էրիկ տեն Հագին և այժմ փոխարինող է փնտրում նիդերլանդցի մասնագետին:
«Բայերի» ղեկավարների ցանկում 3 մասնագետ կա՝ Ռաուլը, Էդին Թերզիչը և Մարկո Ռոզեն: Վերջին երկուսն ունեն Բունդեսլիգայում աշխատելու մեծ փորձ. Թերզիչի վերջին ակումբը Դորտմունդի «Բորուսիան» էր, իսկ Ռոզեինը՝ «Լայպցիգը»:
Ռաուլը 6 տարի աշխատել է «Ռեալի» երիտասարդական թիմերում: Նա հարազատ ակումբից հեռացել է մայիսին:
