Մադրիդի «Ռեալը» պաշտոնական հաղորդագրությամբ ցավակցություն է հայտնել «Բարսելոնային» կատալոնական ակումբի առաջին թիմի բժիշկ Կառլես Մինարո Գարսիայի մահվան կապակցությամբ:
««Ռեալի» նախագահը և տնօրենների խորհուրդը խորապես վշտացած են «Բարսելոնայի» բժիշկ Կառլես Մինարո Գարսիայի մահվան կապակցությամբ:
Մադրիդի «Ռեալը» ցանկանում է իր ցավակցություններն ու ջերմությունը փոխանցել նրա ընտանիքին, գործընկերներին, «Բարսելոնա» ակումբին։ Թող հանգչի խաղաղությամբ»,- նշված է ակումբի հաղորդագրությունում:
Հիշեցնենք, որ «Բարսելոնայի» խնդրանքով Լա լիգան հետաձգել է «Օսասունայի» դեմ 27-րդ տուրի տնային խաղը: Հանդիպումը պետք է մեկնարկեր ժամը 23:55-ին և ցուցադրվեր «Ֆասթ Սպորտ»-ի ուղիղ եթերում:
