Մադրիդի «Ռեալի» հարձակվող Վինիսիուս Ժունիորը և պաշտպան Դավիդ Ալաբան վերադարձել են ընդհանուր խումբ, հայտնում է ակումբի մամուլի ծառայությունը:
Բրազիլացին և ավստրիացին արդեն առանց սահմանափակումների մարզում են անցկացրել թիմակիցների հետ:
Հիշեցնենք, որ Վինիսիուսը վնասվածք էր ստացել «Լեգանեսի» դեմ Լա լիգայի 14-րդ տուրի խաղում, իսկ Ալաբան դաշտ դուրս չի եկել նախորդ տարվա դեկտեմբերից: