Մադրիդի «Ռեալը» իսպանական Լա լիգայի 37-րդ տուրի «Վիլյառեալի» դեմ խաղից (4-4) հետո ակումբային ռեկորդ է սահմանել։

«Արքայական ակումբը» ներքին առաջնությունում 31-րդ անպարտելի հանդիպումն է անցկացրել։ Opta-ն գրում է, որ սա «Ռեալի» պատմության լավագույն ցուցանիշն է։

Նախորդ ռեկորդը «Ռեալը» գրանցել էր 1988 թ. մայիսից 1989 թ. ապրիլ ժամանակահատվածում, երբ Լա լիգայում անպարտելի է եղել։

Կառլո Անչելոտիի գլխավորած թիմը Լա լիգայում վերջին պարտությունը կրել է 2023 թ. սեպտեմբերի 24-ին` 6-րդ տուրում 1-3 հաշվով պարտվելով Մադրիդի «Աթլետիկոյին»։ «Ռեալը» այդ խաղից հետո տարել է 24 հաղթանակ, գրանցել 7 ոչ-ոքի։

Մադրիյդյան ակումբն արդեն նվաճել է Իսպանիայի չեմպիոնի տիտղոսը և առաջնության ավարտից մեկ տուր առաջ ունի 94 միավոր։