«Ռեալ Սոսյեդադի» մամուլի քարտուղար Ջոն Անդեր Մունդուատեն ռուսական Sport24-ի թղթակցի հետ զրույցում տեղեկացրել է, որ իսպանական ակումբը չի պատրաստվում հունվարին կիսապաշտպան Արսեն Զախարյանին վարձավճարով ուղարկել այլ թիմ:
«Մենք չենք ծրագրում Զախարյանին վարձավճարով ուղարկել այլ թիմ: Մարզիչները պոտենցիալ են տեսնում Արսենի մեջ, նա ընդամենը 21 տարեկան է»,- ասել է Մունդուատեն։
Հիշեցնենք, որ Ռուսաստանի ազգային հավաքականի ֆուտբոլիստն օգոստոսին Բարսելոնայում կոճի վիրահատության ենթարկվելուց հետո ապաքինվել է, սակայն դեռևս ոչ մի խաղ չի անցկացրել ընթացիկ մրցաշրջանում:
Զախարյանը բասկյան թիմում խաղում է 2023 թվականի օգոստոսից։ Նախորդ մրցաշրջանում բոլոր մրցաշարերում մասնակցել էր 40 հանդիպման, դարձել մեկ գոլի և երկու գոլային փոխանցման հեղինակ։
