Իսպանական «Ռեալ Սոսյեդադի» գլխավոր մարզիչ Իմանոլ Ալգուասիլը խոսել է Ռուսաստանի հավաքականի կիսապաշտպան Արսեն Զախարյանի մասին։
«Ես տեսնում եմ, որ Զախարյանը լավ է խաղում։ Ես միանգամից ասացի, որ նա ունի մեծ ներուժ, բայց շատերը չէին տեսնում դա։ Արսենին ժամանակ պահանջվեց հարմարվելու համար, սակայն, երբ այդ գործընթացն ավարտվեց, նա ավելի մոտեցավ թոփ մակարդակի»,- իսպանացի մարզիչի խոսքը մեջբերում է El Mundo Deportivo-ն։
Հիշեցնենք, որ Արսեն Զախարյանը նախորդ ամռանն է Մոսկվայի «Դինամոյից» տեղափոխվել «Ռեալ Սոսյեդադ»։ Իսպանիայի ընթացիկ առաջնությունում 20-ամյա կիսապաշտպանը մասնակցել է 21 խաղի, խփել մեկ գոլ ու կատարել 2 ասիստ։
