տուր
01 Հունվար 1970 - 13:03
- «Ռեալ Մադրիդ Կաստիլյայի» կիսապաշտպան Սեսար Խելաբերտն ամռանը կարող է հեռանալ «Արքայական ակումբից»: Այս մասին հաղորդում է AS-ը:
Ըստ այդ պարբերականի՝ 19-ամյա իսպանացու ծառայություններով հետաքրքրված է «Բարսելոնան», որը ֆուտբոլիստի ելույթներին հետևում է 2015 թվականից, երբ կատալոնական ակումբը փորձում էր հրավիրել այդ ժամանակ դեռ «Էրկուլեսում» հանդես եկող խաղացողին:
Խելաբերտին իրենց կազմում են ցանկանում տեսնել նաև «Մանչեսթեր Յունայթեդն» ու «Արսենալը»: Տեղեկացվում է, որ լոնդոնյան ակումբը ներկա պահին ֆավորիտ է կիսապաշտպանի հետ համաձայնության գալու համար ծավալված պայքարում:
Խելաբերտի գործող պայմանագրի ժամկետը «Ռեալի» հետ լրանում է 2021 թվականի ամռանը: Մադրիդյան ակումբը ցանկանում է հնարավորինս արագ երկարաձգել նրա հետ համաձայնագրի ժամկետը:
«Ռեալի» նախկին ֆուտբոլիստը «Բարսելոնայի» դիտակետում է
