Լիոնի «Օլիմպիկի» կիսապաշտպան Ռայան Շերկին մոտ է Դորտմունդի «Բորուսիա» տեղափոխվելուն, տեղեկացնում է ինսայդեր Ֆաբրիցիո Ռոմանոն:
Ֆրանսիացի ֆուտբոլիստն ընդունել է գերմանական ակումբի առաջարկը: Այժմ ակումբները բանակցում են տրանսֆերի շուրջ, որը մոտ է համաձայնեցման:
Սպասվում է, որ գործարքի արժեքը կկազմի 22-23 միլիոն եվրո:
21-ամյա ֆուտբոլիստը «Լիոնի» սան է: Նա ակումբի գլխավոր թիմում 166 խաղում խփել է 22 գոլ, կատարել 33 ասիստ:
