Հայաստանի ազգային հավաքականի հարձակվող Հրանտ-Լեոն Ռանոսն առաջին գոլը խփեց Գերմանիայի Բունդեսլիգայում:
22-ամյա ֆուտբոլիստը Մյոնխենգլադբախի «Բորուսիայի» կազմում Ֆրանկֆուրտի «Այնտրախտի» դեմ 5-րդ տուրի տնային խաղի 82-րդ րոպեին խաղադաշտ դուրս եկավ, իսկ հիմնական ժամանակին ավելացված 9-րդ րոպեին գոլ խփեց:
«Բորուսիան» մինչև 72-րդ րոպեն պարտվում էր 0-6 հաշվով, հանդիպման վերջնամասում չորս գոլ խփեց և մոտ էր անհավանական քամբեքին: Խաղն ավարտվեց 4-6 հաշվով:
«Բորուսիան» 2 միավորով վերջին տեղում է, «Այնտրախտը»` 9 միավորով չորրորդ:
Գերմանիայի Բունդեսլիգա, 5-րդ տուր
«Բորուսիա Մյոնխենգլադբախ» - «Այնտրախտ Ֆրանկֆուրտ»` 4-6
Յենս Կաստրոպ, 72, Հարիս Տաբակովիչ, 78, Յանիկ Էնգելհարթ, 83, Հրանտ-Լեոն Ռանոս, 90+9 - Ռոբին Կոխ, 11, 47, Անսգար Կնաուֆ, 15, Ջոնաթան Բուրկարդտ, 35, Ֆարես Չայիբի, 39, Չան Ուզուն, 45+1
Բունդեսլիգայի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):
