Հայաստանի ազգային հավաքականի և Մյոնխենգլադբախի «Բորուսիայի» հարձակվող Հրանտ-Լեոն Ռանոսը Հունգարիայի դեմ խաղից հետո արտահայտել է իր տպավորությունները, հայտնում է ՀՖՖ մամուլի ծառայությունը:
«Առաջին կեսում գնդակը լավ չէինք վերահսկում, բայց երկրորդում կարգավորեցինք խնդիրը: Կարող էինք հավասարեցնել հաշիվը, բայց, ցավոք, չօգտագործեցինք մեր պահերը:
Անկախ ամեն ինչից, խաղում ենք մեծ մոտիվացիայով, քանի որ խաղում ենք մեր երկրի համար: Մարզիչը մեզ մեծ էներգիա է փոխանցում»,- ասել է Ռանոսը:
