Ա սերիա վերադարձած «Կալյարիի» գլխավոր մարզիչ Կլաուդիո Ռանիերին մեկնաբանել է իտալացի մասնագետ Ռոբերտո Մանչինիի՝ Սաուդյան Արաբիայի հավաքականը գլխավորելու որոշումը:
«Անկեղծ ասած՝ ես այդպես չէի վարվի: Ինձ համար առաջնահերթությունն ու մոտիվացիան այլ բաներ են, այլ ոչ թե գումարը:
Արդեն ասել եմ, որ «Կալյարին» իմ կարիերայի վերջին ակումբն է: Հաճելի կլիներ մարզչական կարիերաս այստեղ սկսելն ու ավարտելը: Եթե հավաքական գլխավորելու տարբերակ լինի, ես այն կդիտարկեմ», - Ռանիերիի խոսքը փոխանցում է DAZN-ը:
Հիշեցնենք, որ Ռոբերտո Մանչինին օրեր առաջ հեռացել էր Իտալիայի հավաքականի գլխավոր մարզչի պաշտոնից ու աշխատանքի անցել Սաուդյան Արաբիայի հավաքականում:
