Մադրիդի «Ռեալի» նախկին նախագահ Ռամոն Կալդերոնը հայտարարել է, որ թիմի ֆրանսիացի հարձակվող Կիլիան Մբապեն իրեն հիշեցնում է բրազիլացի Ռոնալդոյին:
«Ինձ համար նա աշխարհի լավագույն խաղացողներից մեկն է: Նա ամեն ինչ ունի՝ լավագույնը դառնալու համար: Մբապեն ինձ հիշեցնում է Ռոնալդոյին: Նա արագ է, ուժեղ, կարող է գոլ խփել ցանկացած անկյունից և ցանկացած ոտքով:
Այժմ երկրպագուներն իսկապես վայելում են նրա խաղը: Կիլիանն այն ֆուտբոլիստն է, որին ես կցանկանայի տեսնել իմ թիմում»,- 73-ամյա ֆունկցիոների խոսքը մեջբերում է talkSPORT-ը:
Հիշեցնենք, որ Ֆրանսիայի հավաքականի ավագի հեթ-տրիկի շնորհիվ «Արքայական ակումբը» Չեմպիոնների լիգայի անցումային փլեյ-օֆֆի պատասխան խաղում տանը 3-1 հաշվով հաղթել էր անգլիական «Մանչեսթեր Սիթիին»:
Կառլո Անչելոտիի թիմը դիմակայությունում հաղթել էր ընդհանուր 6-3 հաշվով և 1/8 եզրափակիչում կմրցի Մադրիդի «Աթլետիկոյի» հետ:
