«Մեծ սաղավարտի» մրցաշարերի 22-ակի չեմպիոն Ռաֆայել Նադալը մասնակցելու է տարվա առաջին «Մասթերսին»: 37-ամյա թենիսիստը հայտավորվել է Ինդիան Ուելսի մրցաշարին, հայտնում է մրցաշարի մամուլի ծառայությունը:
Իսպանացին գրեթե 1 տարի բաց թողնելուց հետո 2023 թվականի դեկտեմբերի 31-ին կորտ էր վերադարձել, սակայն հունվարի 7-ին վնասվածք էր ստացել և դադարեցրել ելույթները:
Ինդիան Ուելսի «Մասթերսը» կայանալու է մարտին: Մինչև այդ Նադալը մասնակցելու է նաև Դոհայի մրցաշարին:
Հիշեցնենք, որ Ռաֆայել Նադալն Ինդիան Ուելսի մրցաշարի եռակի չեմպիոն է:
