Ֆրանսիական ՊՍԺ-ի նախկին գլխավոր մարզիչ Քրիստոֆ Գալտյեն «Նապոլիի» գլխավոր մարզչի պաշտոնում կարող է փոխարինել Ռուդի Գարսիային:
Իտալիայի գործող չեմպիոնը կապ է հաստատել 57-ամյա մասնագետի հետ և պատրաստ է նշանակումից ամիսներ անց պաշտոնանկ անել Ռուդի Գարսիային, եթե վերջինս առաջիկա չորս խաղում չբարելավի թիմի գրանցած արդյունքները, հայտնում է RMC Sport-ը:
Բոլոր մրցաշարերում անցկացրած նախորդ չորս խաղում «Նապոլին» տարել է ընդամենը մեկ հաղթանակ, իսկ Իտալիայի Ա Սերիայի նոր մեկնարկած մրցաշրջանում 7-րդն է՝ 5 խաղից հետո վաստակած 8 միավորով:
Հիշեցնենք, որ ՊՍԺ-ն Գալտյեի հետ պայմանագիրը խզել էր հուլիսի 5-ին, իսկ դրանից առաջ ֆրանսիացի մասնագետն ու նրա որդին ձերբակալվել էին ռասիզմի ու կրոնական խտրականության մեղադրանքներով:
