Անգլիայի հավաքականի հարձակվող Հարի Քեյնը խոստովանել է, թե ինչու է ամառային տրանսֆերային պատուհանի ընթացքում տեղափոխվել Մյունխենի «Բավարիա», այլ ոչ «Մանչեսթեր Յունայթեդ»։
«Ակնհայտ է, որ ամռանը ես շփվել եմ տարբեր ակումբների հետ, բայց «Բավարիան» միշտ էլ ինձ ոգեշնչել է: Երբ նրանք հայտնվեցին, մյուս տարբերակներն անհետաքրքիր դարձան ինձ համար: «Մանչեսթեր Յունայթեդը», իհարկե, մեծ ակումբ է, բայց միայն ու միայն կենտրոնացած եմ «Բավարիայում» ելույթներիս վրա»,- Քեյնի խոսքը մեջբերում է MiaSanMia-ն:
Հիշեցնենք, որ 30-ամյա հարձակվողը Բունդեսլիգայում անցկացրած 4 խաղում դարձել է 4 գոլի հեղինակ:
