Լոնդոնի «Տոտենհեմի» սեփականատեր Դենիել Լևին ակումբը վաճառելու շահավետ առաջարկ է ստացել Կատարի ներդրողներից, հայտնում է The Guardian-ը:
Հնարավոր գնորդը կապ չունի պետական համարվող Qatar Sports Investment ընկերության հետ և ձգտում է ձեռք բերել անգլիական ակումբի բաժնետոմսերի զգալի մասը:
Այս պահին բաժնետոմսերի 86.1 տոկոսը պատկանում է ENIC Group-ին:
Ներդրումային ընկերությունը պատրաստ է նաև ակումբի գործադիր տնօրենի պաշտոնում նշանակել Դենիել Լևիին:
«Տոտենհեմն» Անգլիայի Պրեմիեր լիգայի ընթացիկ մրցաշրջանում վաստակել է 27 միավոր և 14-րդ տեղում է:
