Կոնֆերենցիաների լիգայի խմբային փուլի երկրորդ տուրում Երևանի «Փյունիկը» Վազգեն Սարգսյանի անվան «Հանրապետական» մարզադաշտում 2-0 հաշվով հաղթեց Սլովակիայի չեմպիոն Բրատիսլավայի «Սլովանին», որի կազմում ելույթ է ունենում Հայաստանի ազգային հավաքականի վինգեր Տիգրան Բարսեղյանը:

Հայաստանի չեմպիոն կազմում առաջին խաղակեսում աչքի ընկան կիսապաշտպան Արտակ Դաշյանն ու նիգերիացի հարձակվող Յուսուֆ Օտուբանջոն:

Տիգրան Բարսեղյանը հյուրերի մեկնարկային կազմում էր ու մասնակցեց ամբողջ խաղին: Հայ ֆուտբոլիստը 25-րդ րոպեին զգուշացվեց դեղին քարտով:

Վիճակագրություն. 

• Գնդակին տիրելու տոկոսային հարաբերություն՝ 44%-56%
• Հարվածներ դարպասի ուղղությամբ՝ 9-12
• Հարվածներ դարպասին՝ 7-5
• Անկյունայիններ՝ 4-9
• Խաղից դուրս վիճակ՝ 1-1
• Սեյվեր՝ 5-5
• Խախտումներ՝ 13-10
• Դեղին քարտեր՝ 3-2
• Կարմիր քարտեր՝ 0-0

2 տուրից հետո «Փյունիկը» 3 միավորով H խմբի 2-րդ տեղում է, «Սլովանը» 1 միավորով վերջինն է:

«Փյունիկի» և «Սլովանի» հետ H խմբում ընդգրկված են նաև լիտվական «Ժալգիրիսն» ու շվեյցարական «Բազելը»:

3-րդ տուրում «Փյունիկն» ընդունելու է «Ժալգիրիսին», «Սլովանը» հյուրընկալվելու է «Բազելին»:

Խմբային փուլի 1-ին տուրում «Փյունիկը» Շվեյցարիայում 1-3 հաշվով պարտվել էր «Բազելին», իսկ «Սլովանը» 0-0 հաշվով էր ավարտել Լիտվայի չեմպիոն Վիլնյուսի «Ժալգիրիսի» դեմ հանդիպումը:

Կոնֆերենցիաների լիգա, 2-րդ տուր

«Փյունիկ» (Հայաստան) - «Սլովան» (Սլովակիա)՝ 2-0

Արտակ Դաշյան, 35, Յուսուֆ Օտուբանջո, 37