Թուրինի «Յուվենտուսի» և Ֆրանսիայի ազգային հավաքականի կիսապաշտպան Պոլ Պոգբան, որը ծնկի վնասվածքի պատճառով բաց կթողնի Կատարում կայանալիք աշխարհի առաջնությունը, սոցիալական ցանցերում հրապարակել է տեսանյութ, որտեղ պարում է:
«Ծունկը փորձարկելու լավագույն եղանակը»,- տեսանյութին կից գրել է ֆրանսիացին:
Հիշեցնենք, որ 29-ամյա ֆրանսիացի ֆուտբոլիստն այս մրցաշրջանում դեռ ոչ մի պաշտոնական խաղի չի մասնակցել ծնկի վնասվածքի և դրան հաջորդած վիրահատության պատճառով:
Մունդիալ-2022-ը կմեկնարկի նոյեմբերի 20-ին: Եզրափակիչը կկայանա դեկտեմբերի 18-ին:
