Թուրինի «Յուվենտուսի» ֆրանսիացի կիսապաշտպան Պոլ Պոգբան չի ցանկանում ամառային տրանսֆերային պատուհանի ընթացքում հեռանալ թիմից, հաղորդում է լրագրող Նիկոլո Սկիրան:

30-ամյա ֆուտբոլիստին չի հետաքրքրում Սաուդյան Արաբիա տեղափոխվելու տարբերակը: Նա մտադիր է քրտնաջան աշխատել և լավագույն որակները դրսևորել մրցաշրջանի մեկնարկում:

2022/23 մրցաշրջանում Պոգբան իտալական ակումբի կազմում մասնակցել է 9 հանդիպման, կատարել 1 գոլային փոխանցում: «Յուվենտուսի» հետ պայմանագիրն ուժի մեջ է մինչև 2026 թվականի հունիսի 30-ը: