Ֆրանսիացի կիսապաշտպան Պոլ Պոգբան 911 օր տևած ընդմիջումից հետո խաղադաշտ է դուրս եկել:

32-ամյա ֆուտբոլիստը «Մոնակոյի» կազմում «Ռենի» դեմ Լիգա 1-ի 13-րդ տուրի հանդիպման 85-րդ րոպեին փոխարինման է մտել: «Մոնակոն» պարտվել է 1-4 հաշվով:

«Ֆուտբոլ խաղալն այն է, ինչ ես ամենաշատն եմ սիրում։ Ֆուտբոլն ինձ համար դեռ չի ավարտվել։ Ես տառապել եմ բոլորից շատ։ Ես անհամբեր սպասում էի դրան։ Կան պահեր, երբ սատանան փորձում է համոզել քեզ, որ ամեն ինչ ավարտվել է։ Բայց կա բարի Աստված, և ես հավատում եմ ինքս ինձ»,- ասել է Պոգբան ինսայդեր Ֆաբրիցիո Ռոմանոյին:

Հիշեցնենք, որ 2018թ. աշխարհի չեմպիոնը 2 տարի առաջ դոպինգի պատճառով որակազրկվել էր: 

Լիգա 1-ի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):