Ֆրանսիայի չեմպիոն ՊՍԺ-ն չի վաճառի բրազիլացի պաշտպան Մարկինյոսի տրանսֆերային իրավունքը, հայտնում է RMC Sport-ը:
Փարիզյան ակումբը մերժել է Սաուդյան Արաբիայի «Ալ Նասրի» առաջարկը՝ հայտնելով, որ Մարկինյոսին համարում է թիմի առանցքային ֆուտբոլիստներից մեկը:
Բրազիլիայի ազգային հավաքականի պաշտպանը նույնպես մտադիր չէ փոխել ակումբային գրանցումը:
Հիշեցնենք, որ Մարկինյոսը ՊՍժ-ի կազմում խաղում է 2013 թվականից և անցկացրած 407 խաղում խփել է 38 գոլ, կատարել 10 ասիստ:
