Ֆրանսիական ՊՍԺ-ն փորձում է ձեռք բերել Ֆրանկֆուրտի «Այնտրախտի» 24-ամյա հարձակվող Ռանդալ Կոլո-Մուանիին:
L'Equipe-ը գրում է, որ փարիզցիները 65 միլիոն եվրո են առաջարկել ֆրանսիացի ֆուտբոլիստի համար: ՊՍԺ-ն գերմանական ակումբին առաջարկել է գործարքում ներառել նաև 21-ամյա ֆրանսիացի հարձակվող Հուգո Էկիտիկեին: Կողմերի միջև բանակցությունները վճռական փուլում են:
«Այնտրախտի» պատասխանը դեռ հայտնի չէ: Ավելի վաղ հաղորդվում էր, որ Ֆրանկֆուրտը ներկայացնող ակումբը հրաժարվել է վաճառել իր առաջատարին 80 միլիոն եվրոյով:
Կոլո-Մուանին նախորդ մրցաշրջանում Բունդեսլիգայում անցկացրած 32 խաղում 15 գոլ է խփել:
