Ֆրանսիական ՊՍԺ-ի ֆուտբոլիստներից մեկը խախտել է մարզական ռեժիմը Մյունխենի «Բավարիայի» դեմ Չեմպիոնների լիգայի 1/8 եզրափակիչի պատասխան խաղից առաջ, հաղորդում է լրագրող Ռոմեն Մոլինան։

Ֆուտբոլիստը, որի անունը չի նշվում, հանդիպումից երկու օր առաջ ամբողջ գիշերն անցկացրել է Փարիզի գիշերային ակումբներից մեկում։ Նա այնտեղից հեռացել է առավոտյան ժամը 6-ին։ «Բավարիայի» դեմ պատասխան խաղում այդ ֆուտբոլիստը դաշտ է դուրս եկել ՊՍԺ-ի մեկնարկային կազմում։

Հիշեցնենք, որ 1/8 եզրափակիչի պատասխան խաղում ՊՍԺ-ն հյուրընկալվելիս 0-2 հաշվով պարտվել էր  «Բավարիային» և դուրս մնացել պայքարից։ Առաջին խաղում ևս հաղթել էր Գերմանիայի չեմպիոնը (1-0)։

Ֆրանսիայի չեմպիոնը նախորդ մրցաշրջանում նույնպես Չեմպիոնների լիգայում պայքարն ավարտել էր 1/8 եզրափակիչից։