Ֆրանսիայի չեմպիոն ՊՍԺ-ի ֆուտբոլիստները և նրանց շրջապատի անդամները թեթևություն են զգում Կիլիան Մբապեի` ակումբից հեռանալուց հետո։

Foot Mercato-ի համաձայն` հարձակման գծի մի շարք ֆուտբոլիստներ այլևս ճնշում չեն զգում։ Նրանք ստիպված էին հարմարվել Մբապեի խաղին։

25-ամյա Մբապեի հեռանալուց հետո ՊՍԺ-ում գոհ են նաև այն հարցում, որ արդեն ակումբի հարցերին չի խառնվում նրա մայրը` Ֆայզա Լամարին։ «Պարի Սեն-Ժերմենում» Լամարիին բնութագրում էին` որպես բռնապետի։

Լամարիի հեռանալուց հետո ՊՍԺ-ի տնային` «Պարկ դե Պրենս» ստադիոնի VIP սրահում բոլորն ավելի հանգիստ են շփվում և փոխանակում կարծիքներ։ Մինչև այդ, բոլոր խոսակցություններն անցում էին Լամարիի միջամտությամբ։

Հիշեցնենք, որ Կիլիան Մբապեն փարիզյան գրանդում հանդես է ելել 2017-2024 թթ., 308 խաղում խփել 256 գոլ, կատարել 108 արդյունավետ փոխանցում։ Նա ակումբի պատմության լավագույն ռմբարկուն է։ Ֆրանսիացի ֆուտբոլիստն այս ամռանն ազատ գործակալի կարգավիճակում տեղափոխվեց Մադրիդի «Ռեալ»։