Իսպանական «Վալենսիայի» կիսապաշտպան Կառլոս Սոլերը կարիերան կշարունակի ֆրանսիական ՊՍԺ-ում:
Ինսայդեր Ֆաբրիցիո Ռոմանոն տեղեկացնում է, որ 25-ամյա ֆուտբոլիստն արդեն մեկնել է Փարիզ, որպեսզի սեպտեմբերի 1-ին բուժզննում անցնի և պայմանագիր ստորագրի Ֆրանսիայի չեմպիոնի հետ:
Իսպանիայի հավաքականի ներկայացուցիչն ու ՊՍԺ-ն կստորագրեն 5 տարվա պայմանագիր: Ֆրանսիական գրանդը Սոլերի տեղափոխության համար «Վալենսիային» կվճարի 18 միլիոն եվրո` գումարած 3 միլիոն բոնուս:
Հիշեցնենք, որ Կառլոս Սոլերը «Վալենսիայի» սան է, իսպանական ակումբի գլխավոր թիմում խաղում է 2017 թվականից:
