Իսպանական «Անդորայի» գլխավոր մարզիչ Էդեր Սարաբիան խոսել է կատալոնական «Բարսելոնայի» պաշտպան Ժերար Պիկեին հրավիրելու հավանականության մասին: 35-ամյա ֆուտբոլիստը Սեգունդան ներկայացնող թիմի սեփականատերն է:
«Պիկեին հրավիրե՞լը, ես փակ աչքերով կհամաձայնվեի այդ գործարքին: Մենք տեսել ենք նրա խաղը Չեմպիոնների լիգայում և «Մալյորկայի» դեմ խաղում։ Նա քիչ է խաղում, բայց դեռ երկար տարիներ կհամարվի էլիտար պաշտպան»,- Սարաբիայի խոսքը մեջբերում է Sport.es-ը:
Պիկեն «Բարսելոնայի» սան է: 2004-ից 2008 թվականներին նա խաղացել է անգլիական «Մանչեսթեր Յունայթեդում» և իսպանական «Սարագոսայում», այնուհետև վերադարձել է կատալոնական թիմ:
Ընթացիկ մրցաշրջանում Ժերարը մասնակցել է 4 խաղի, աչքի չի ընկել արդյունավետ գործողություններով: Նրա պայմանագիրը «Բարսելոնայի» հետ ուժի մեջ է մինչև 2024 թվականը:
