Fastex Հայաստանի Պրեմիեր լիգայի չեմպիոն «Փյունիկի» կիսապաշտպան Արաս Օզբիլիսը երկրպագուներին կոչ է արել գնալ ստադիոն և երևանյան ակումբին աջակցել շվեյցարական «Բազելի» դեմ Կոնֆերենցիաների լիգայի խմբային փուլի վերջին՝ 6-րդ տուրի խաղում։
«Փյունիկը» երկրպագուներին հորդորել է ստադիոն ժամանել հանդիպումից 2 ժամ առաջ։
««Բազելի» հետ խաղում մենք ակնկալում ենք ռեկորդային քանակի հանդիսատես: Շնորհակալություն ենք հայտնում ձեզ աջակցության համար, միաժամանակ կոչ ենք անում ժամանել ստադիոն հանդիպման մեկնարկից 2 ժամ առաջ: Շնորհակալություն»,- ասվում է ակումբի հայտարարությունում։
Հիշեցնենք, որ «Փյունիկ» - «Բազել» խաղը կկայանա նոյեմբերի 3-ին Վազգեն Սարգսյանի անվան «Հանրապետական» ստադիոնում ու կմեկնարկի ժամը 21:45-ին։ Հանդիպումը կսպասարկի Ռումինիան ներկայացնող մրցավարական անձնակազմ՝ Օրասիո Ֆեսնիկի գլխավորությամբ։
Վերջին տուրից առաջ H խմբի առաջատարներն են «Բազելն» ու Սլովակիայի չեմպիոն Բրատիսլավայի «Սլովանը», որոնք հավաքել են 8-ական միավոր։ «Փյունիկն» ունի 6 միավոր, իսկ խմբի հետնապահ լիտվական «Ժալգիրիսը»՝ 5:
